Дуулиан 2020
22
2016.02.6. 15:05 1 057 0

“Дуулиан 2020” тэмцээний хасагдах шатны тоглолтууд эхэллээ

Тэмцээний 3 дах шатанд нийслэл хотын 176 багийн 2000 гаруй тамирчид оролцож байгаа. 4 долоо хоногийн хугацаанд хөлбөмбөгийн спортоор өрсөлдсөн "Дуулианы эзэд” нэгдсэн спортын танхимуудад өөр хоорондоо тоглож, дараачийн  шатанд өрсөлдөх эрхээ авч эхлээд байна. Өнөөдөр энэ тэмцээний 23 тоглолт Нийслэлийн Сүхбаатар дүүргийн 58-р сургууль, Баянгол дүүргийн Оюуны Ундраа цогцолбор сургууль, Баянзүрх дүүргийн 92-р сургууль, Амгалан цогцолбор сургуулийн спорт танхимд зохион байгуулагдлаа. 58-р сургуулийн спорт танхимд болохоор төлөвлөгдсөн 2 тоглолт хойшлогдсон. Хөвгүүдийн 17 хүртэлх насны ангилалын 58-р сургууль, 18-р сургуулийн багуудын тоглолт  ширүүн өрсөлдөөнтэй болсноос талбайн эзэн багийнхан 18:3-ын харьцаатай өрсөлдөгчөө буулган авч, нэгээр гарлаа. Амартүвшин, Наранбаатар  шүүгчтэй энэ тоглолтын эхний 4 дэх минутанд 58-р сургуулийн 19 дугаартай Энхтүвшин, 20 дугаартай  Төгөлдөр  нар дараалан гурван гоол орууллаа. Тоглолтын 1-р үед талбайн эзэн багийнхан нийт 11 гоол оруулсан бол Торгон Мөч компанийн Likenews.mn  сайтын ивээн тэтгэлэгтэй, Хан-Уул дүүргийн  18-р сургуулийн багийн 4 дугаартай тоглогч Мөнхтулга тооны харьцааг 11:1 болгожээ. 18-р сургуулийн баг 2 –р үед 2 гоол оруулсан бол талбайн эзэн багийнхэн энэ үед нийт 7 гоол орууллаа. Ингэснээр 58-р сургуулийн баг тамирчид 1-ээр, 18-р сургуулийн баг 2-оор дараачийн шатанд өрсөлдөх эрхтэй болж байгаа юм.
“Дуулиан 2020” тэмцээний хасагдах шатны тоглолтууд эхэллээ
58-р сургуулийн дасгалжуулагч багш Дагдав: Зооноосоо манай баг шилдэг 16-т орж чадлаа. Манай сургуулийн 13, 15, 17 насны 3 баг  дүүргийн аварга шалгаруулах тэмцээнээс 3 алтан медаль хүртлээ.  "Дуулиан 2020” тэмцээнд оролцож байгаа бусад өрсөлдөгч багууд ижилхэн түвшинтэй,  ширүүн өрсөлдөөнтэй, гал гарсан тоглолтуудыг үзүүлж байна.
Өнөөдөр 58-р сургуулийн 15 хүртэлх насны ангилалын багийнхан одтой, азтай байж, дараачийн шатанд өрсөлдөх эрхээ авлаа. Тэд Хас Банк ивээн тэтгэгчтэй Буянт Ухаа цогцолбор сургуулийн Эрхэмбаяр ахлагчтай багтай тоглож, 4:2-ын харьцаатай өрсөлдөгчөө буулган авсан юм.
“Дуулиан 2020” тэмцээний хасагдах шатны тоглолтууд эхэллээ
Буянт-Ухаа цогцолбор сургуулийн багийн ахлагч Эрхэмбаяр: Баасанцогт дасгалжуулагчтай манай баг дүүргээс хүрэл медаль авсан. Өмнө нь 2 тоглолт хийж, нэг ч хожигдолгүй байсан боловч шийдвэрлэх тоглолтондоо өрсөлдөгчдөө хожигдлоо. Гэхдээ  2-оор дараачийн шатанд гарч байгаа болохоор илүү их хичээж, 10 дах удаагийн Дуулиан 2020 тэмцээнд медалийнхаа өнгийг хувиргах зорилгоо биелүүлэх болно
Тоглолтын 5 дах минутанд талбайн эзэн багийн 19  дугаартай Мөнхбаяр гоолны салхийг хагалсан бол 6 дах минутанд 20 дугаартай Итгэлбат, 14 дэх минутанд 19 дугаартай Мөнхбаяр нар тус тус гоол оруулсан. Эхний үе 3:0-ийн харьцаатай өндөрлөсөн энэ тоглолтын 2-р үед зочин багийн 10 дугаартай Мөнх-Очир, 11 дугаартай Бямбажав нар тоглолтын харьцааг өөрчилж чадсан юм. Тоглолтын 2-р үед талбайн эзэн багийн 18 дугаартай Баясгалан багтаа дахин нэг  оноо авчирч чадсан юм. Ингэснээр Буянт-Ухаа цогцолбор сургуулийн 15 хүртэлх  насны баг 2-оор, талбайн эзэн багийнхан 1-ээр дараачийн шатанд оролцох эрхээ авлаа. Маргааш "Дуулиан 2020” тэмцээний хасагдах шатны 30 тоглолт Хан-Уул дүүргийн спорт ордон, Чингэлтэй дүүргийн Хоршоолол нийгэмлэг, СонгиноХайрхан дүүргийн 107-р сургууль, Баянгол дүүргийн Оюуны Ундраа цогцолбор сургуулийн спорт танхимд үргэлжилнэ.
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ
 
“Дуулиан 2020” тэмцээний хасагдах шатны тоглолтууд эхэллээ

0 сэтгэгдэл байна.