“Дуулиан 2020” тэмцээний хасагдах шатны тоглолтууд үргэлжлэн явагдаж байна

Чингэлтэй дүүргийн Хоршоолол нийгэмлэгийн спорт танхимд нийт 8 тоглолт болсноос бид Хас Банк  ивээн тэтгэгчтэй 40-р сургууль, 37-р сургуулийн хөвгүүдийн 15 хүртэлх насны ангилалын тоглолтыг онцолж байна. Е хэсэгт оноол таарсан 2 баг тус бүр 2 тоглолт хийснээс 4, 4 оноотой байсан юм. Мөн-Оргил ахлагчтай 37-р сургуулийн баг Ард Даатгалын 106-р сургуультай хийсэн тоглолтоор 4:1-ийн харьцаатай өрсөлдөгчөө буулган авсан бол   Чингис Хаан  Банкны 85-р сургуулийн багтай хийсэн тоглолтоороо 4:4-ийн харьцаатай тэнцжээ. Харин Хас Банкны 40-р сургууль 106-р сургуультай хийсэн тоглолтоор 3 бөмбөгөөр илүү буюу 5:3-ын харьцаатай хожиж, 2 дах тоглолтоороо 85-р сургуультай 1:1-ийн харьцаатай тэнцээд байсан юм.
Мөнхбат дасгалжуулагчтай, Санчир ахлагчтай 40-р сургуулийн багийнхан энэ удаагийн тоглолтоор 6:1-ийн харьцаатай өрсөлдөгчөө хожиж, 1-ээр дараачийн  шатанд тоглох эрхтэй боллоо. Энэ тоглолтын 1-р үеийн 9 дэх минутанд 11 дугаартай Мөнхгэрэл анхны гоолыг оруулсан. 37-р сургуулийн  тамирчид довтолгоондоо анхаарч хэд хэдэн удаа хаалганд цохьсон боловч төгсгөлөө сайн хийж чадсангүй. Тоглолтын 2-р үеийн 7 дах минутанд 40-р сургуулийн 5 дугаартай Ууганбаяр, 9 дэх минутанд 9 дугаартай Энх-Оргил, 10 дах минутанд 4 дугаартай Идэрсайхан, 13 дах минутанд 10 дугаартай Санчир, 14 дэх минутанд 8 дугаартай Зориг нар тус тус гоол оруулсан бол 14 дэх минутанд 37-р сургуулийн 4 дугаартай тоглогч Тэмүүжин тооны харьцааг 6:1 болгон өөрчилж чадсан юм. Ингэснээр 40-р сургуулийн баг тамирчид дараачийн шатанд оролцох эрхтэй болсон бол 37-р сургуулийн багийнхан дараачийн шатанд орох эсэх нь 106, 85-р сургуулийн тоглолтуудаас шалтгаалахаар боллоо. Мөн өнөөдөр Саммит компанийн ивээн тэтгэсэн 17-р сургуулийн хөвгүүдийн 17 насны баг Хас Банкны Ирээдүй цогцолбор сургуулийн багтай тоглосон. Энэ тоглолт тооны хувьд харьцангуй зөрүүтэй буюу 16:4-ийн харьцаатай Ирээдүй цогцолбор сургуулийн багийн ялалтаар өндөрлөсөн юм. Тоглолтын 1-р үеийн 3 дах минутанд Ирээдүйн сургуулийн  9 дугаартай тоглогч Анхбаяр гоолны салхийг хагалсан бол 5 дах минутанд 20 дугаартай Сайханбилэг, 6, 7 дах минутанд 5 дугаартай Бат-Эрдэнэ, 10 дах минутанд 9 дугаартай Анхбаяр, 11, 12 дах минутанд Сайханбилэг нар нийт 8 бөмбөг оруулсан. Тэдний өрсөлдөгч багаас 6 дах минутанд 9 дугаартай Баянжаргал, 14 дах минутанд 11 дугаартай Хишигбат, 15, 19 дэх минутанд 9 дугаартай Баянжаргал дахин гоол оруулжээ. Тоглолтын 2-р үед Ирээдүй цогцолбор сургуулийн баг дахин 8 гоол оруулсны 6 гоолыг 9 дугаартай Анхбаяр, 2 гоолыг 5 дугаартай Бат-Эрдэнэ нар оруулсан.  Ингэснээр энэ тоглолтын мэргэн буучаар 8 гоол оруулсан Анхбаяр тодорсон юм.