Дуулиан 2020
22
2016.04.5. 18:18 1 116 0

"Дуулиан 2020” тэмцээний хагас шигшээ тоглолтууд боллоо

Хөлбөмбөгийн спортыг өсвөр залуу үеийнхэн дунд түгээн дэлгэрүүлэх, Эрүүл Монгол иргэнийг нийгэмд бэлтгэх эрхэм зорилготой 10 дах удаагаа зохион байгуулагдаж байгаа  "Дуулиан 2020” тэмцээний аваргууд тодрох  хугацаа ойртсоор байна.Өнгөрсөн амралтын өдрөөр Монголын хөлбөмбөгийн холбооны футзалны ордонд энэ тэмцээний хөвгүүдийн 11, охидын 11, 13  хүртэлх насны хагас шигшээ тоглолтууд явагдаж, аваргын алтан медалийн төлөө өрсөлдөх багуудын нэрс тодорлоо. Их Талын Дуулиан ТББ,  Нийслэлийн Засаг Дарга бөгөөд Улаанбаатар хотын захирагчийн дэмжлэгтэй зохион байгуулж байгаа энэ удаагийн тэмцээний хөвгүүдийн 11 хүртэлх  насны ангилалын  хагас шигшээд Ард Даатгал ивээн тэтгэгчтэй 107-р сургуулийн баг,  Хас Банк ивээн тэтгэгчтэй Оюуны Ундраа цогцолбор сургуулийн баг, English School of Mongolia ивээн тэтгэгчтэй English School баг, Ард Санхүүгийн Нэгдэл ивээн тэтгэгчтэй 102-р сургуулийн багууд тунаж   үлдсэн юм. Оюуны Ундраа сургуулийн баг  Ард Даатгалын 107-р сургуулийн багтай  хагас шигшээ тоглолтондоо учраа таарч тоглосноос 7:5-ын  харьцаатай өрсөлдөгч багаа хожиж шигшээ тоглолтонд оролцох эрхтэй боллоо. Мөн энэ насны ангилалын шигшээ тоглолтонд English School –ийн баг тамирчид оролцох эрхтэй болсон. Энэ сургуулийн баг өөрийн өрсөлдөгч 102-р сургуулийн багийг 4:3-ын харьцаатай хожжээ. Охидын 11 хүртэлх насны ангилалын хагас шигшээд Чингис Хаан Банк ивээн тэтгэгчтэй 85-р сургуулийн баг, Богд Үйлст ХХК-ийн ивээн тэтгэлэгтэй 33-р сургуулийн баг, БСБ Сервис компанийн ивээн тэтгэлэгтэй 102-р сургуулийн баг, English School of Mongolia  ивээн тэтгэгчтэй English School багууд тунаж үлдснээс English School, 85-р сургуулийн багууд  аваргын алтан медалийн төлөө өрсөлдөх эрхтэй болжээ. Харин охидын 13 хүртэлх насны ангилалын шигшээ тоглолтонд Ард Даатгал ивээн тэтгэгчтэй 107-р сургууль, Тэнгэр Даатгал компанийн 84-р сургуулийн багууд оролцохоор болсон байна. Энэ насны ангилалын Богд Үйлст ХХК-ийн 33-р сургуулийн баг, Бумо ивээн тэтгэгчтэй 34-р сургуулийн багууд хүрэл медалийн төлөө тоглоно. 10 дах удаагийн "Дуулиан 2020” тэмцээний шигшээ тоглолтууд энэ сарын 23-24-ний өдрүүдэд Монголын хөлбөмбөгийн холбооны футзалны ордонд болох юм.

0 сэтгэгдэл байна.