Онцлох мэдээ / Улс төр
22
2016.12.26. 10:48 592 0

“Монголчуудад зориулсан сургамж” шог зураг гарчээ

Туурга тусгаар Монгол улсын гадаад харилцааны сайд хөрш улсынхаа  сүрдүүлэгт автаж түмэн олныхоо хүндлэн шүтдэг буддын шажны тэргүүнийг дахиж Монгол улсад хөл тавиулахгүй гэсэн амлалт Монгол түмний дургүйцлийг төрүүлж, гадаад улс оронд эх орноо элэглүүлэхэд хүргэлээ. Өмнөд Африкийн шог зураач Запиро гадаад харилцааны сайд Ц. Мөнх-Оргилийн хийсэн мэдэгдэлтэй холбогдуулан энэхүү шог зураг элэглэлийг бүтээсэн байна. "Монгол улсын гадаад харилцааны сайд Ц. Мөнх-Оргил 12-р сарын 20-ны өдөр Монгол улс  Далай ламыг дахин тус улсад айлчлахыг зөвшөөрөхгүй гэдгийг мэдэгдсэн” гэж Хятадын Синьхуа агентлаг  дамжуулсан юм. Түүнчлэн "Мөнх-Оргил Далай ламын  хийсэн айлчлал Монгол Хятадын харилцааг сэвтээсэн явдалд хүлцэл өчиж байгаагаа илэрхийлсэн” гэж Хятадын  төв мэдээллийн агентлаг уламжилсан юм. Энэ мэдээлэл цацагдсны дараахан БНХАУ-ын гадаад хэргийн яамны албөан ёсны төлөөлөгч Хуа Чуньин Монгол улсын гадаад харилцааны сайд Ц. Мөнх-Оргилын Далай ламын айлчлалтай холбогдуулан хийсэн мэдэгдлийн талаар тайлбар өгч хэвлэлийн бага хурал хийсэн юм. "Өнгөрсөн сард Далай ламын Монгол улсад хийсэн айлчлалын дараа Монгол улс сургамж авсан гэдэгт Хятад улс найдаж байна. БНХАУ-ын үндэсний эрх ашигийг хүндэлж эхэлнэ гэдэгт гүнээ итгэж байна. Монгол улсын сайдын үгэнд Хятад улс гүнзгий ач холбогдол өгч, 2 талын харилцааг сайжруулах  өөрийн үүргээ биелүүлж, идэвх зүтгэл гаргахыг уриалж байна” гэж Хятадын гадаад хэргийн яамны хэвлэлийн төлөөлөгч Хуа Чуньин  хэвлэлийн бага хурлын үеэр өгүүлсэн юм. Тэгвэл Хятадын гадаад хэргийн яамны гаргасан тайлбар мэдэгдэл, Монгол улсын гадаад харилцааны сайдын хийсэн мэдэгдлийг үндэслэн Өмнөд Африкийн шог зураач Жонатан Шапиро биднийг ийнхүү элэглэжээ. Тэрээр 1958 онд Кейптаун хотод төрсөн. Запиро нэрээр олон нийтэд танигдсан юм. Марвиний ид шид компанийн захирал Шапирогийн шог зураг "БИД ТУУРГА ТУСГААР УЛС УУ ЭСВЭЛ ТУСГААР ТОГТНОЛОО АЛДСАН ТОЛГОЙГҮЙ АЛБАТ БОЛСОН УУ” гэдгийг сануулж байна.

0 сэтгэгдэл байна.