Онцлох мэдээ / Улс төр
22
2017.01.2. 11:18 579 0

АНУ-тай дипломат харилцаа тогтоосны 30 жилийн ой тохионо

2017 онд Монгол, АНУ-ын хооронд дипломат харилцаа тогтоосны 30 жилийн ойг тэмдэглэнэ. Энэ ойд зориулсан логог олон нийтэд танилцууллаа. АНУ Монгол улсын томоохон хөрөнгө оруулагч төдийгүй гуравдагч хөршийн найрсаг харилцаатай оршиж ирсэн юм. Улс төр, эдийн засгийн харилцаа жил ирэх тусам гүнзгийрч  2  улсын иргэд хоорондын харилцаа нь идэвхижиж байгаа юм. Өнгөрсөн 2016 онд Монголд АНУ-ын  Энх тайвны корпусын үйл ажиллагаа үүссэний 25 жилийн ойг тэмдэглэсэн. Энэ хугацаанд Монгол улсын хот хөдөө орон нутагт 1200 гаруй сайн дурынхан ажилласан гэсэн судалгаа байдаг юм. Түүнчлэн дэлхийд алдартай АНУ-ын Фулбрайтын хөтөлбөр хэрэгжиж эхэлсний 70 жилийн ойг тэмдэглэсэн. Фулбрайтын  сургуулийн Фулбрайт хөтөлбөрт Монголын 350 иргэн хамрагдаж АНУ-д боловсрол эзэмшсэн юм. Шинэ он гарахаас хэдхэн хоногийн өмнө Монгол улсад АНУ дахин Мянганы сорилын сангийн  үйл ажиллагааг дахин хэрэгжүүлэхээр сонгож 2 дахь гэрээнд гарын үсэг зурахад бэлэн болсон юм. Ингэснээр 2 талын төлөөлөгчид хэд хэдэн салбарт хамтран ажиллах гэрээг байгуулахаар болж байгаа  юм.

0 сэтгэгдэл байна.