Онцлох мэдээ / Улс төр
22
2017.09.7. 11:11 221 0

Япон улстай эдийн засгийн хүрээнд хамтран ажиллана

Монгол улсын Ерөнхийлөгч Х. Баттулга Японы ерөнхий сайд Шинзо Абетэй уулзалт хийлээ. Ерөнхийлөгчийн хувиар анх удаа гадаад улсад хийж байгаа ажлын айлчлалынхаа үеэр Х. Баттулга Японы ерөнхий сайдтай хийсэн уулзалтаараа БНАСАУ-ын цөмийн болон пуужингийн сүрдүүлэг хийгээд эдийн засгийн хамтын ажиллагааны тухай хөндсөн юм. ОХУ-ын Алс Дорнодын Владивостокт  хийсэн уулзалтаараа Японы ерөнхий сайд Шинзо Абе өнгөрсөн долоо хоногийн ням гаригт БНАСАУ-ын зүгээс хийсэн цөмийн туршилт, баллистик пуужин харвасан нь Японы хойд хэсгээр дайран өнгөрсөн. Энэ үйлдлийг хэрхэвч хүлээн зөвшөөрөшгүй, илт өдөөн хатгасан үйлдэл гэж үзэж байгаагаа илэрхийлсэн байна. Иймээс тус улсын эсрэг үзүүлж байгаа шахалтаа улам бүр нэмэгдүүлэх шаардлагатайг онцолжээ.  Япон улсын хэд хэдэн иргэн БНАСАУ-ын талд барьцаалагдсан, тэдгээрийн дийлэнх нь өдгөө амьд байгаа эсэхийг тодруулах, ар гэрийнхэнтэй нь уулзуулах тухай асуудлыг Япон улс хөндсөөр ирсэн. Япон улсын хувьд Умард Солонгостой дипломат харилцаагүй учраас  тэдгээр иргэдийг ар гэрийнхэнтэй нь уулзуулахад дипломат харилцаатай Монгол улс тусламж дэмжлэг үзүүлнэ гэж тооцдог. Өнгөрсөн жил л гэхэд манай улсын нийслэлд Умард Солонгост барьцаалагдсан иргэд ахан дүүстэйгээ хийсэн уулзалтыг зохион байгуулсан юм. Байгалийн нөөц баялаг, түүхий эдэд түшиглэсэн Монгол улс эдийн засгаа солонгоруулах сонирхолтой байгаагаа энэ удаагийн уулзалтаар хөндсөн. Өөрөөр хэлбэл, Япон улстай хөдөө аж ахуй, аж үйлдвэр, бохирдолын хяналт гэх зэрэг олон талаар Япон улстай хамтран ажиллах, шинэ дунд хугацааны үйл ажиллагааны төлөвлөгөөг батлан ажиллах сонирхолтой байгаагаа илэрхийлсэн юм. Түүнчлэн Монгол улсын Ерөнхийлөгч Х. Баттулга Олон улсын валютын сангийн хөтөлбөрийн хүрээнд Монгол улсад дэмжлэг үзүүлж байгаа явдалд талархаж байгаагаа өгүүллээ.

Япон улстай эдийн засгийн хүрээнд хамтран ажиллана

Япон улстай эдийн засгийн хүрээнд хамтран ажиллана


0 сэтгэгдэл байна.