Онцлох мэдээ / Нийгэм
22
2017.12.20. 18:22 207 0

Хүн худалдаалах 40 гэмт хэрэг ганцхан жилийн хугацаанд бүртгэгджээ

Ганцхан жилийн хугацаанд олон нийт цугладаг томоохон газрууд, саун, массажны үйл ажиллагаа явуулдаг 50 эзэн хобогдогчтой, 40 хэргийг илрүүлжээ. Нийт 130 эмэгтэйчүүд ийм төрлийн гэмт хэргийн улмаас хохирчээ. Гадаад улсад МУ-ын иргэн холбогдсон 9 хэрэг бүртгэгдэж тэдгээрийн 7 иргэн нь Зүүн өмнөд Азид бэлгийн мөлжлөгт өртжээ. Тэдгээр иргэдийг Гадаад Харилцааны Яамны Консулын Газар, Интерполын Үндэсний Төв Товчоотой хамтарч эх оронд нь авчирсан тухай албаныхан мэдээллээ. Хохирогчдын гэмт хэрэгт өртөх шалтгааны талаар Хүн худалдаалах гэмт хэрэгтэй тэмцэх хэлтсийн ахлах мөрдөгч Х.Түвшинбаяр: "Хүн худалдаалах гэмт хэрэгт өртсөн насанд хүрээгүй иргэдийн хувьд эцэг эх асран хамгаалагчдын хараа хяналт сул байна. Харин насанд хүрэгчид гадаад улс оронд ажиллах сурах хүсэл, сэдлээр нь дамжуулан гэмт хэрэгт татан оролцуулж хохирч болгож байна" хэмээв. Хүн худалдаалах гэмт хэргийн хувьд бэлгийн мөлжлөг, хөдөлмөрийн мөлжлөг, боолчлох, боолчлохтой төстэй орчинд байлгах, цус эд эрхтэнийг нь зарах гэсэн төрлөөр явагддаг байна. Дээрх гэмт хэргүүдээс үзэхэд бэлгийн мөлжлөгийн чиглэлээр хохирсон хохирогчид дийлэнх нь байна гэж өнөөдөр Нийслэлийн Цагдаагийн Газраас хийсэн мэдээлэлд дурьдлаа. Ц. Дуламсүрэн

0 сэтгэгдэл байна.