Онцлох мэдээ / Улс төр
22
2020.10.11. 10:09 120 0

Саналын хуудсыг хэвлэж, орон нутагт хүргэж дууслаа

 

Аймаг, нийслэл, сум, дүүргийн иргэдийн Төлөөлөгчдийн Хурлын 2020 оны ээлжит сонгуулийн саналын хуудсыг "Монголын үнэт цаас хэвлэл” ХХК, "Таванбогд менежмент” ХХК-д хэвлэж дууслаа. Саналын хуудсыг хуульд тавигдсан шаардлагад нийцэж байгаа эсэхийг хянах, шалгах, хэвлэгдэж бэлэн болсон саналын хуудсуудыг хайрцаглан битүүмжлэх ажил хийгдэж, аймаг орон нутаг руу түгээгдэж дуусаад байна.

Сонгуульд оролцож буй нам, эвслийн ажиглагчдаар хэвлэх саналын хуудасны эхийг хянуулан баталгаажуулснаас гадна саналын хуудас хэвлэх, хүлээлгэн өгөх ажлыг тэдгээр ажиглагчдыг байлцуулан хийж гүйцэтгэжээ. Саналын хуудас хэвлэх ажилтай зэрэгцэн санал тоолох төхөөрөмжийг шалган туршиж, баталгаажуулан гэрчилгээжүүлэх ажлыг төрийн байгууллагуудын ажилтнуудаас бүрдсэн ажлын хэсэг гүйцэтгэж, сонгуульд оролцож байгаа нам, эвслээс томилогдсон ажиглагчид ажигласан байна.

Саналын хуудас хэвлэх, хүргүүлэх, санал тоолох төхөөрөмжийг шалган туршиж, баталгаажуулан гэрчилгээжүүлэх ажилд тагнуулын байгууллага хяналт тавьж, цагдаагийн алба хаагчид хамгаалалт гарган ажиллаж байна.

Саналын хуудсыг хэвлэж, орон нутагт хүргэж дууслаа

 


 

Эх сурвалж:СЕХ


 

0 сэтгэгдэл байна.