Онцлох мэдээ / Нийгэм
22
2021.03.8. 11:44 108 0

ЭМЯ-аас уран бүтээлчдэд хандан зарласан тоглолтуудаа цуцлахыг уриалж байна

Эрүүл мэндийн яамнаас нийт уран бүтээлчдэд хандан баярын өдрүүдээр товлосон, зарласан тоглолтуудаа цуцлахыг уриалав. Тухайн тоглолтуудыг хойшлуулж дараа нь тоглох байдлаар иргэдээ хүндлэхийг хүссэн юм.

УДЭТ-тай холбоотой 54 хүнээс КОВИД-19 халдвар илэрсэн бөгөөд түүнийг оролцуулан өнөөдөр нийт 108 хүнээс халдвар илэрч нэг хүн нас барлаа. Улмаар УДЭТ-ын "Анна Каренина" тоглолтыг энэ сарын 04-06-ны хооронд үзсэн иргэдийг шинжилгээ өгөхийг анхаарууллаа. 

ХӨСҮТ-ийн Тандалт судалгааны албаны дарга А.Амбасэлмаа "Шинжилгээний хариу нь сөрөг гарлаа гэж хариуцлагаа сулруулаад халдвар авч байна. Мөн хоёр ч буяны ажлын үеэр халдвар тархсан" гэв.

Энэ мэт олон нийтийг хамарсан үйл ажиллагаанаас халдвар илэрч байгаа тул иргэдийг хариуцлагатай байж, хэдийгээр үзвэр үйлчилгээний газруудыг нээсэн ч халдвар хамгааллын дэглэмээ чандлан сахихыг зөвлөлөө.

0 сэтгэгдэл байна.