Онцлох мэдээ / Спорт
22
2021.03.21. 10:58 266 0

Б.Цагаанбаатар "Токио-2020" паралимпийн шүүгчээр сонгогдлоо

Дэлхийн триатлоны холбооны удирдах зөвлөл хуралдаж, Монгол Улсын иргэн Б.Цагаанбаатарыг "Токио-2020” паралимпийн наадамд шүүгчээр томилсон болохыг Монголын триатлоны холбооноос мэдээллээ.

Паралимпийн наадам наймдугаар сарын 24-нөөс есдүгээр сарын 05-нд Токио хотноо болох юм.

Паралимпийг шүүх эрхээ аваад буй Б.Цагаанбаатар нь 2012 оноос олон улсын 2-р зэргийн шүүгч болж, 2019 оноос Азийн триатлоны холбооны Удирдах зөвлөлийн гишүүн, шүүгчдийн хорооны дарга, 2004 онд Монголын триатлоны холбоог үүсгэн байгуулж, тус холбооны ерөнхий нарийн бичгийн даргаар ажиллаж байна. Тэрбээр олон улс, тив, дэлхийн түвшний 30 гаруй тэмцээнд шүүгчээр оролцоод байгаа юм байна.

ШҮҮСЭН ТЭМЦЭЭН:

  • Дэлхийн аварга шалгаруулах тэмцээний финал 2013 он, Лондон
  • Дэлхийн элсний спортын анхдугаар наадам 2019 он, Доха
  • Дэлхийн цом (өвлийн триатлон) 2020 он, Харбин – ерөнхий шүүгчийн орлогч
  • Дэлхийн цом 2019 он, Тонён – ахлах шүүгч
  • Азийн наадам 2014 он, Инчон
  • Азийн наадам 2018 он, Жакарта-Палембан
  • Олимпийн эрхийн тэмцээн 2012 он, Татеяма
  • Азийн элсний спортын наадам 2010 он, Мускат
  • Азийн элсний спортын наадам 2014 он, Пукет
  • Азийн АШТ 2009 оноос (6 удаа)
  • Азийн цом 2013 оноос – ерөнхий шүүгч, орлогч (7 удаа)

Манай улсаас Токиогийн олимпийг шүүх гурав дахь шүүгч ийнхүү тодроод байна.

0 сэтгэгдэл байна.